Archive for December, 2010

అకాడెమీవారేమన్నారంటే……….

1150 కి అకాడెమీ వారు ముహూర్తాన్ని నిర్ణయించినా, అరగంట ఆలస్యంగా వచ్చారు అద్మినిస్తృఏటివ్ ఆఫీసర్.

వచ్చింది అసలు ఆఫీసరు కాదు. అసలాయన సెలవులో వుండటంతో పిళ్ళై అనే ఆయన వచ్చాడు.

ముందుగా, ఆయన , శ్రీనివాస్ గారికి ఈ సమాచారం ఎందుకో తెలుసుకున్నాడు. ఆ తరువాత మీరేదయినా అవార్డుకోసం ప్రయత్నిస్తున్నారా? అని అడిగాడు.

కాదు, అవార్డులెలా ఇస్తారో తెలుసుకుందామని అని సమాధానం ఇచ్చారు శ్రీనివాస్.

అయితే వివరాలివ్వటం కుదరదన్నాడాయన.

నాకు ఈ సంవత్సరం అవార్డు కమిటీ వివరాలు కాదు, అయిపోయిన సంవత్సారానివి అని శ్రీనివాస్ చాలా మార్లు చెప్పిన తరువాత ఆయన గారికి విషయం అర్ధమయింది.

వెంటనే గతంలో ఇచ్చిన సమాచారాన్నే ఇచ్చాడు.

మాకు కావాల్సింది  ఎవరెవరు ఏయే రచనను నామినేట్ చేశారు, దానికి వారు చెప్పిన కారణాలేమిటి, ఏయే రచన గురించి ఎవరెవరు ఎలా అభిప్రాయాలను వ్యక్తం చేశారు? ఇతర రచనలను ఏయే వ్యాఖ్యలతో తిరస్కరించారు? ద్రౌపదిని ఇతర రచనలకన్నా ఎలా మిన్నగా నిర్ణయించాౠ? ఆ వివరాలు కావాలి అని అడిగారు శ్రీనివాస్.

కాస్త తర్జనలు భర్జనల తరువాత ఆ వివరాలను త్వరలో అందచేస్తామని అన్నారు. వారీ వివరాలు ఇచ్చిన వెంటనే అవి మీముందుంటాయి.

అసలు విషయాలు అందరికీ తెలుస్తాయి.

నిజానికి మీడియా వారు ఈ పని చేసి ఎక్స్క్లూజివ్ న్యూస్ ఐటం అంటూ వేసుకోవచ్చు. కానీ, వారికి అక్రమ సంబంధాలు, ఆత్మహత్యలు, హత్యలు, నేరాలను పరిశోధించి చూపటంలో వున్న ఆసక్తి పరిశోధనాత్మక విషయ సేకరణపైన లేదు కాబట్టి మనలాంటి మామూలు వ్యక్తులు రంగంలోకి దూకాల్సివస్తోంది.

మిగతా వివరాలు త్వరలో……

December 28, 2010 · Kasturi Murali Krishna · No Comments
Posted in: ద్రౌపది

ద్రౌపదికి అకాడెమీ అవార్డుకు వ్యతిరేక పోరాటం ఇంకా సాగుతోంది……

అవును…

ద్రౌపది నవలకు సాహిత్య అకాడెమీ అవార్డు ఇవ్వటాన్ని వ్యతిరేకిస్తూ జరుగుతున్న పోరాటం చల్లబడిపోయిందనుకుంటే పొరపాటు.  అది ఇంకా కొనసాగుతోంది.

ఈ పోరాటంలో కొందరు కోర్టును ఆశ్రయిస్తే, మరికొందరు నిరసన ప్రదర్శనలను ఆశ్రయించారు. కొందరు విమర్శలతో ఆగ్రహ ప్రదర్శన చేస్తే, కొందరు పుస్తక రచనల ద్వారా తమ ఆవేదనను వ్యక్తపరిచారు.

నేను సౌశీల్య ద్రౌపది రచన ద్వారా నా అభిప్రాయాన్ని స్పష్టం చేశాను.

అయితే, ప్రముఖ రచయిత, జీ.శ్రీ గంగ, కలం పేరుతో చక్కని కథలు రాస్తూ అవార్డులు పొందుతూన్న నా మిత్రుడు, జీ స్రీనివాస రావు తనదయిన పంథాలో ద్రౌపదికి అవార్డునివ్వటాన్ని వ్యతిరేకిస్తున్నాడు.

శ్రీగంగ నవలా రచనలో తనదయిన ప్రత్యేకతను సేతు రహస్యం, మృత్యురహస్యం వాంటి నవలల ద్వారా ప్రదర్శించారు. ఇప్పుడాయన అకాడెమీ అవార్డు రహస్యాన్ని విప్పిచెప్పటానికి ప్రభుత్వం ఏర్పరచిన  సమాచార హక్కు  సౌకర్యాన్ని ఆశ్రయించారు.

జనవరి నెలలో ప్రశ్న అడిగితే ఏదో కప్పదాటుగా సమాధానాన్ని ఆరునెలల తరువాత ఇచ్చి వూరుకున్నారు అకాడెమీ వాళ్ళు. దానితో సంతృప్తి పడక ఆయన మంత్రిత్వ శాఖకు ఉత్తరం రాశారు. తనకు సంతృప్తి కరమయిన సమాచారాన్ని ఇవ్వలేదని.

ఆయన ప్రయత్న ఫలితంగా, ద్రౌపదితో పాటూ, నామినేట్ అయి, ద్రౌపది కన్నా తక్కువ స్థాయి రచనలుగా జ్యూరీ భావించిన రచనల జాబితా అందింది.

దీనితో ఆయన సంతృప్తి పడక ఆయా రచనలను బహుమతికి అర్హంగా భావించకుండేందుకు సభ్యులు చూపిన కారణాలను కోరారు.

దానికి, విషయం కోర్టులో వుంది కాబట్టి సమాచారం ఇవ్వలేమంది అకాడెమీ. అయితే, కోర్టులో వున్న దాని గురించి అభిప్రాయం వ్యక్త పరచకూడదు కానీ, కోర్టుకిచ్చిన సమాచారాన్ని తెలపకూడదని ఎక్కడా లేదని ఆయన వాదించటం వల్ల చివరికి అకాడెమీ వారు ఆయనతో రేపు వీడియో కాంఫరెన్సును ఏర్పాటుచేశారు.

ఆ వివరాలు రేపు అందిస్తాను.

కానీ, ద్రౌపదితో పోటీ పడి ఓడిన రచనల జాబితా చూస్తే ఆశ్చర్యంతో గుండె ఆగిపోతుంది. సాహిత్యానికి జరిగిన అన్యాయానికి రక్తం వుడుకుతుంది. ఈవార్డులలో జరిగుతున్న కుట్రలు, మోసాలు, అన్యాయాల స్వరూపం బట్టబయలవుతుంది.

ద్రౌపదికి అవార్డు ఇవ్వటాన్ని సమర్ధిస్తూ పుస్తకం చదవకుండానే ఇష్టం వచ్చినట్టు వ్యాఖ్యలు చేసి ఆధునిక అభ్యుదయ అభివృద్ధి చెందిన భావాలకు తామే పెట్టింది పేరుగా, అవార్డును వ్యతిరేకిస్తున్న వారంతా అనాగరిక సాంప్రదాయ బురదలో ఇరుక్కుపోయిన పనికిరానివారుగా భావిస్తూ విర్రవీగిన వారందరూ ఇప్పుడు సమాధానం ఇవ్వాల్సివుంటుంది…. ఏరకంగా సదాశివ గారి యాది, బిరుదురాజు రామరాజు గారి ఆంధ్ర యోగులు, రాచపాలెం చంద్రశేఖర రెడ్డి గారి తెలుగు సాహిత్య విమర్శ, అవంత్స సోమసుందర్ గారి కలలు- కన్నీళ్ళు, కొలకూరి ఇనాక్ గారి, కట్టడి, కొలుపులు, సర్కారు గద్ది, స్వామి నవల మీ రాజ్యం మీరేలండి, తుమ్మేటి రఘోత్తం రెడ్డి కథలు వంటి రచనలు ద్రౌపది ముందు తీసికట్టో సమాధానం ఇవ్వాల్సివుంటుంది.

ముఖ్యంగా యాది, ఆంధ్ర యోగులు, కలలు కణ్ణీళ్ళు వంటి అత్యద్భుతమయిన రచనలను కాదని ద్రౌపదికి అవార్డు ఇవ్వటాన్ని ఏరకంగా సమర్ధిస్తారు?

అకాడెమీ వారు ఇచ్చిన లిస్టు, బోర్డు సభ్యుల వివరాలు  ఈ క్రింద ఇస్తున్నాను. ,

December 27, 2010 · Kasturi Murali Krishna · 4 Comments
Posted in: ద్రౌపది

రాజ్ కపూర్ పాటల కార్యక్రమము.

ప్రతి నెల చివరి శనివారం హాసం క్లబ్ సమావేశాలు జరుగుతాయి.

ప్రతి నెల లాగే ఈ చివరి శని వారం కూడా, అంటే, 25.12.2010 నాడు, సాయంత్రం హాసం క్లబ్ సమావేశం జరుగుతోంది.

ఈసారి ఈ సమావేశంలో నేను రాజ్ కపూర్ పైన ఒక కార్యక్రమాన్ని సమర్పిస్తున్నాను.  నావ్యాఖ్యానానికి అనుగుణంగా  డాక్టర్ రాధాకృష్ణ పాటలు పాడతాడు.

దాదాపుగా ఒక గంటసేపు సాగుతుంది ఈ కార్యక్రమము.

అందరూ వచ్చి ఈ కార్యక్రమాన్ని జయప్రదం చేస్తారని ఆశిస్తున్నాను. ఈ కార్యక్రమంలో భాగంగా రాజ్ కపూర్ గురించి, అతని సినిమాలలో పాటల గురించి బోలెడన్ని ఆసకతి కరమయిన సంగతులు చెప్తాను.

December 24, 2010 · Kasturi Murali Krishna · One Comment
Posted in: Uncategorized

సైన్స్ ఫిక్షన్ కథలు- ముందుమాట.

సైన్స్ ఫిక్షన్ కథలు- ముందుమాట.

ఇది సైన్స్ ఫిక్షన్ కథలు పుస్తకానికి ముందుమాట.

నా పుస్తకాలకు నేనే ముందుమాట రాసుకుంటాను. ఆ అలవాటు ప్రకారం ఈ పుస్తకానికీ ముందుమాట నేనే రాశాను.

చాలామంది, ముందుమాటను పెద్దవారితో రాయించక పోవటాన్ని అహంకారంగా, మూర్ఖత్వంగా భావిస్తారు.

కానీ, మొహమాటపు పొగడ్తలు, తప్పనిసరి మొక్కుబడి రాతలవల్ల లాభముండదు. ప్రముఖుల కితాబులు చూసి పాఠకులు ఆకర్శితులయినా, కథలు చదివితే అసలు నిగ్గు తెలిసిపోతుంది.

కాబట్టి నా కథలే నా పుస్తకానికి ఆకర్శణ. ముందుమాట ఒక పరిచయం మాత్రమే.

ఈ కథలు చదివి మీ అభిప్రాయాన్ని నిర్మొహమాటంగా తెలప ప్రార్ధన.

December 22, 2010 · Kasturi Murali Krishna · One Comment
Posted in: నా రచనలు.

పుస్తక ప్రదర్శనలో సైన్స్ ఫిక్షన్ కథలు పుస్తకం.

ఇవాళ్తి పుస్తక ప్రదర్శనలో నా సైన్స్ ఫిక్షన్ కథలు అనే కొత్త పుస్తకం లభ్యమవుతుంది.

ప్రెస్ నుంచి తిన్నగా పుస్తక ప్రదర్శనకే ప్రయాణమవుతోంది.

నేను ప్రస్తుతం ప్రాణహిత పుష్కర స్నానంలో వున్నాను. కాబట్టి, నా స్నేహితుడు పుస్తకాలను ఎక్సిబిషన్ చేరుస్తున్నాడు.

పుస్తకావిష్కరణ సభలాంటిదేమీ లేకుండా తినగా అమ్మకానికి చేరుకుంటోందీ పుస్తకం.

నవోదయా వారు సోల్ డిస్ట్రిబ్యూటర్ ఈ పుస్తకానికి. కాబట్టి స్టాల్ నంబరు 25 లో మాత్రమే ఈ పుస్తకం లభ్యమవుతుంది. బ్లాగరులంతా ఈ పుస్తకాన్ని కొని, చదివి, తమ నిర్మొహమాటమయిన అభిప్రాయాలతో నాకు ప్రోత్సాహం ఇస్తారని ఆశిస్తున్నాను.

నేను సోమవారం నుంచీ ఎక్సిబిషన్ కు వస్తాను. ఈ స్టాలులో అందరినీ కలుస్తాను.

December 17, 2010 · Kasturi Murali Krishna · No Comments
Posted in: నా రచనలు.

సుమన్ కళ్యాణ్ పుర్- పరిచయం.

సుమన్ కళ్యాణ్ పుర్- పరిచయం.

ఇది నవంబర్ నెల ఈభూమి మాసపత్రికలో ప్రచురితమయింది.

December 17, 2010 · Kasturi Murali Krishna · No Comments
Posted in: నా రచనలు.