Archive for May, 2014

పుస్తకాల దుకాణం యజమానిని చూసి జాలి పడుతున్నాను.

ఆమధ్య ఓ తెలుగు పత్రిక సంపాదకుడు ఫోను చేసి, మా పత్రికకో సాహిత్య వ్యాసం రాయాలి, మా సాహిత్య పేజీ ఇంచార్జీకి చెప్పాను, మీరోసారి అతడితో మాట్లాడండి అన్నాడు. సరేనని ఆ సాహిత్య పేజీ ఇంచార్జీకి ఫోను చేశాను. ఫోనెత్తి ఎలాంటి ఉపోద్ఘాతం లేకుండా ఆ సాహిత్య పేజీ ఇంచార్జి, శుద్ధమయిన ఆంగ్లంలో i have contempt for telugu magazines and their literary supplements..i never read them..i hate so called telugu writers. they are all idiots అన్నాడు. కాస్సేపు మా మధ్య మాటల బాణాలు నదిచాయి, చివరికి, నేను, తెలుగు పత్రికలపయినా, తెలుగు రచయితల పయిన ఇలాంటి అభిప్రాయం వున్నవాడు చూసే పేజీకి రాయనని చెప్పాను. ఇదేమాట ఎడిటర్ తోనూ చెప్పాను. ఇప్పుడిదెందుకు చెప్తున్నానంటే, ఓ పుస్తకాలమ్మే దుకాణం పెట్టిన పత్రికలో తెలుగు రచనలు చదవని, రికమండేషన్లు లేందే కథలు ప్రచురితం కాని, కథల నిడివిపై నియంత్రణలేని అపరిపక్వ, పిల్ల రచయితను, తెలుగు చదవని, తెలుగు రచయితలపట్ల రచనల పట్ల చులకన భావం వుండి ఇంకా కళ్ళు తెరవని పసికూన లాంటి ఎడిటర్ ఇంటర్వ్యూ చేస్తే, ఆ రచయిత తెలుగులో హారర్, సైన్స్ ఫిక్షను లాంటి విభిన్నమయిన రచనలు రావటం లేదని, వచ్చినా నాణ్యమయినవి కావని తన అమూల్యమయిన అౙ్నానాపుటభిప్రాయాన్ని అందంగా తెలిపాడట. దాన్ని చూపి స్పందించమని అందరూ అడుగుతున్నారు. ఇలాంటి వ్యాఖ్యలకు స్పందించి సమయం వ్యర్ధం చేయటం నాకిష్టం లేదు. చదివినవారేమయినా అంటే ఆలోచించాలికానీ, చదవని వారి మాటలకువిలువనిచ్చిలాభం లేదు. కానీ, పుస్తకాలమ్ముకునే దుకాణం పెట్టి, తానమ్మే పుస్తకాలేవీ నాణ్యమయినవికావని తన పత్రికలోనో ప్రచురింపచేసుకుంటూ కూడా పుస్తకాలను అమ్మాలని చూస్తున్న ఆ దుకాణం యజమానిని చూసే జాలి పదుతున్నాను. నా రచనల నాణ్యం నాకు తెలుసు. పాఠకులకు తెలుసు. చదవని, చదువుకోని వారేమన్నా పట్తించుకోవాల్సిన అవసరం లేదు.

May 28, 2014 · Kasturi Murali Krishna · No Comments
Posted in: Uncategorized

పాడుతా తీయగా, పుస్తకానికీకవర్లలో ఏది బాగుంది?

హిందీ సినీ గీతాల రూపకర్తల పరిచయ వ్యాసాల సంకలనం పాడుతా తీయగా పుస్తకానికి కవర్ ఇలా రూపొందించాము. అయితే ఇంకా కవర్ ఏదన్నది నిర్ణయం కాలేదు. ఈ రెండింటినీ చూసి మీ నిర్మొహమాటమయిన అభిప్రాయాలూ, సూచనలూ చేయండి.

May 23, 2014 · Kasturi Murali Krishna · One Comment
Posted in: నా రచనలు.