లీడర్ (తెలుగు) సినిమా చూశాను.

లేడెర్ సినిమాను ఎట్టకేలకు చూశాను.

ఎప్పటి నుంచో నా కోలీగులూ, స్నేహితులూ ఈ సినిమాను చూడమని చెప్తున్నారు. ఇది డిఫరెంటు చిత్రమనీ, తప్పకుండా చూడాలనీ సలహాలిచ్చారు. అందుకే ఈ సినిమా చూడాలని అనుకున్నాను. మొత్తానికి చూశాను.

సాంకేతికంగా, అంటే, కొన్ని దృశ్యాలు ఫ్రేం చేసిన విధానం బాగుంది. సినిమా పేర్లు ఇచ్చేటప్పుడు, నేపధ్యంలో ఒక చిన్న రేఖలా ఆరంభమయి. అసెంబ్లీ హాలు తో పూర్తవటం చాలా బాగుంది. ఉత్తమ స్థాయి సినిమా చూస్తామన్న ఆశను కలిగించింది. హాలీవుడ్ సినిమాల ప్రభావంతో సాంకేతికంగా మన సినిమాలూ అహివృద్ధి చెందుతున్నాయనిపించింది.

సినిమాలో నాకు నచ్చిన మరో అంశం కథ సమకాలీన సమాజానికి అద్దం పట్టాలని ప్రయత్నించటం.

సాధారణంగా మన కళాకారులు సమకాలీన సంఘటనలను అతి తక్కువగా సినిమాలకు వాడతారు.

పైగా, మన కళ్ళ ఎదురుగా జరుగుతున్న ఘటనలు కేంద్రంగా సినిమా నిర్మించటం  అభినందనీయం.

అయితే, ఆరంభం కలిగించిన ఆశాభావం కాసేపటికి ఆవిరయిపోయింది.

సినిమాలో పెద్ద లోపం స్క్రిప్టు. అంతకన్నా పెద్ద లోపం హీరో పాత్ర కోసం ఎంచుకున్న నటుడు. దాంతో మిగతా విషయాలు ఎలా వున్నా సినిమా మొత్తంగా దెబ్బ తిన్నది.

ఒక యువకుడు, ఆదర్శాలతో రాజకీయాలలో ప్రవేశించి, అవినీతిని కడిగేయటం అన్నది మనకు కొత్తకాదు.

1960 దశకంలో తన ఇమేజ్ మార్చుకునే ప్రయత్నంలో భాగంగా దిలీప్ కుమార్ స్వయంగా లేడర్ అని ఒక సినిమా నిర్మించాడు. ఆ తరువాత అనేక సినిమాలలో హీరోలి ఇలాంటి పనులు చేశారు. ఇటీవలే రంగ్ దే బసంతి సినిమాలో ముగ్గురు, నలుగురు యువకులు అవినీతి రాజకీయ నాయకుడిని కాల్చి చంపుతారు.

అయితే, ఈ సినిమాలో హీరో రాజకీయాలలో అడుఘుపెట్టటానికి దారితీసిన సంఘటన వయ్యెస్సార్ ఘటనను , జగన్ మోహన రెడ్డిని తలపుకు తేవటంతో సినిమా కాస్త భిన్నంగా అనిపిస్తుంది.

ఈ సినిమాలో ముఖ్యమంత్రి ప్రేమ కథ, అతనికి ఆమె వ్యతిరేకిగా పరిచయమయి, ప్రేమలో కలవటం లాంటి దృశ్యాలు, మైకెల్ డగ్లస్ నటించిన, క్లింటన్ ప్రేమ కథ ఆధారంగా నిర్మించిన అమెరికన్ ప్రెసిడెంట్ అనే సినిమాను గుర్తుకు తెస్తాయి. కానీ, ఆ సినిమాలోని సెన్సిటివిటీ కానీ, లాజిక్ కానీ. ఔచిత్యం కానీ ఈ సినిమాలో కనబడవు.

ఒక ముఖ్యమంత్రి ఇలా ఓ అమ్మాయిని కలుస్తూంటే ప్రతిపక్షాలు నోరు మెదపకపోవటం, మీడియా మౌనంగా వుండటం, స్వ పక్షంలోని శతృవులకేమీ తెలియక పోవటం అంత నమ్మదగినవిగా అనిపించవు.

ఇక, ఎమ్మెల్లేలు వారితో సంఘటనలు, దృశ్యాలూ అతి అసహజంగా, ఔచిత్య రహితంగా వున్నాయి. కార్డ్ బోర్డ్ కారెక్టర్లూ, సంఘటనలూ అవి. దాంతో కలగాల్సిన ఉద్విఙ్నతలు, ఆనందాలు కలగవు.

హీరో పాత్ర వ్యక్తిత్వాన్ని సరయిన రీతిలో రూపొందించలేదు. ఆ పాత్ర తెలితేటలు, నాయకుడిగా ఎదుగుదల లాజికల్ గా, సరయిన రీతిలో , కన్విన్సింగ్ గా చూపటంలో అటు స్క్రిప్టు రచయిత, ఇటు దర్శకుడు సంపూర్ణంగా విఫలమయ్యారు. ఒక ప్రణాలిక లేనట్టుగా వుంటాయి మన హీరో రాజకీయాలాటలు.

హీరో పాత్రకు  రానా అనే నటుడు అస్సలు సరిపోలేదు. ఏమీ అర్ధంకానట్టు అయోమయం తప్ప,  ముఖంలో భావం, ఎలాంటి అనుభూతి, అనుభవమూ కనబడని నటన, ఎలాంటి, విశ్వాసమూ, నమ్మకమూ ఉట్తిపడని ప్రవర్తన, చివరికి సంభాషణలు పలకటంలో కూడా ఎలాంటి ఎమోషన్ నూ ధ్వనింప చేయక, బట్టీ పట్తి వాక్యాలు హఠాత్తుగా పలికినట్తు పలికిన సంభాషణలూ,…….. సినిమాకి ప్రధానమయిన పాత్రనే ఇలా అవటము సినిమా ను పూర్తిగా దెబ్బ తీసింది. కొన్ని దృష్యాలలో ఈ హీరో ఏమాయ చేశావే హీరో లా అనిపించాడు. అదే భావరహితమయిన ముఖమూ, అదే సంభాషణలను పలికే విధమూనూ.

సినిమా కృతకంగా, ఔచిత్య రహితంగా, అసంబద్ధంగా వుంది. ఒక మంచి వకాశాన్ని కళాకారులు మరో సారి వ్యర్ధం చేశారన్న బాధ కలుగుతుంది.

మన వాళ్ళు సాంకేతికంగా హాలీవుడ్ వారికి ఏ మాత్రం తీసిపోకున్నా, స్క్రిప్టు విషయంలో, పాత్రలకు తగ్గ నటులను ఎంచుకోవటంలో ఎంతో వెనుకబడి వున్నారని ఈ సినిమా నిరూపిస్తుంది.  `

Enter Your Mail Address

August 16, 2010 · Kasturi Murali Krishna · 6 Comments
Posted in: సినిమా విశ్లేషణ

6 Responses

  1. s - August 16, 2010

    Good Review. The two heros u mentioned are cusins.

  2. nene - August 16, 2010

    yes what u wrote is correct, its not a movie expected by sekhar kammula. in fact his last two movies were same way, earlier with his happy days he tried to show that all graduating colleges particularly professional colleges are places for falling in love and he sugar coated the theme with so called intellectual show.

  3. bonagiri - August 16, 2010

    Perfect review.

  4. bhavani - August 16, 2010

    best review on leader

  5. కొత్తపాళీ - August 17, 2010

    నటన విషయంలో మీతో విభేదిస్తున్నాను. రానా బాగా సరిపోయాడనే నేననుకున్నాను. కథ పరంగా చూసినా, అర్జున్ పాత్ర కొంత అమాయకత్వం, కొంత నిజాయితీ, కొంత పట్టుదల కలిసి ఏర్పడిన వ్యక్తిత్వం. మిగతా ముఖ్య పాత్రల్లో కూడా నటులు బాగా చేశారనే అనుకున్నా. ఈ సినిమాకి ముఖ్యమైన బలహీనత కథ, స్క్రిప్టు.

  6. కొత్తపాళీ - August 17, 2010

    ఒక విన్నపం – నలుపు మీద తెలుపిఉ అక్షరాలు కష్టంగా ఉన్నది.

Leave a Reply